Fai 45 anos, uns rapaces da Parroquia de Cerqueda, axudados polo cura parroquial decidiron formar unha asociación para organizar actividades para os máis novos da parroquia sobre todo relacionados coa nosa música e baile. Máis tarde, polos anos 90, foron conscientes da gran riqueza musical e oral que tiñan na parroquia, concello e comarca ás que pertencen e foi aí cando comezaron a divulgar o legado cultural, neste caso a música e o baile, que nos deixaron nos nosos ancestros.

A día de hoxe adícanse a transmitir ós seus nenos e nenas a riqueza musical, a tradición oral dos nosos avós e bisavós, facelos conscientes de que forman parte da nosa identidade e sobre todo ensinalos e motivalos para que empreguen a lingua galega e a cuiden.