Saberes Próximos é un proxecto que ten como finalidade conectar pero tamén visibilizar ás persoas que recollen, divulgan e coidan o noso patrimonio inmaterial.

No ámbito dixital, resulta fundamental poder contar con recursos audiovisuais que axuden a comunicar mellor as iniciativas. Como se pode comprobar nas fichas, hai proxectos que ofrecen vídeos propios, pero tamén hai outros que non: por iso pensamos que a posibilidade de avanzar neste ámbito podería ser, en xeral, interesante para todas.

Á hora de crear estes contidos audiovisuais o ideal sería contar con profesionais do sector que puideran botarnos unha man. Se isto non é posible, por orzamento ou porque exista tamén un interese creativo en facelo directamente, poñemos á vosa disposición esta pílula formativa adicada á Creación Audiovisual.

Trátase dunha proposta que vén da man das profesionais de Merenda Creativa, con quen colaboramos desde BenCuriosa.