Morreu o demo traballa para recuperar as formas tradicionais de teatro de títeres como unha forma de comunicación máis ao servizo da cultura e a sociedade galegas. O seu traballo comezou despois de tomar conciencia do risco de desaparición deste patrimonio debido ao descoñecemento e á falta de sensibilidade das institucións, momento a partir do cal comezaron a levar a cabo un labor de recuperación e socialización do patrimonio (in)material do títere tradicional galego.